supastar

supastar supastar
jeder werd heit supastar
is de birn a no so laa
s reicht fürn supastar

bist du exhibitionist
und hast as bisher nur nid gwisst
(dann) geh zum fernsehsender hi
da suacht ma solche leit wia di

leut se zum trottl machn
dass millionen drüber lachn
spieln den depp für d kamera
und glabn se werdn dabei zum star

supastar supastar
schauts da geht da supastar
so a trottl jessasna
schauts da supastar

supastar supastar
jeder werd heit supastar
bissl styling tscha tscha tscha
scho bist supastar

da joe aus lend falls eahm wer kennt
da mustafa aus oberalm
da fesche kevin aus michee
und a de huaba desiree

germanys next buttermodel
austrias next superdodel
salzburgs next ohrwaschlquäler
lungaua next echlengschäler

supastar supastar
jeder werd heit supastar
woaßt des is heit gar nid schwa
glei bist supastar

supastar supastar
jeder werd heit supastar
a so manch politika
werd zum supastar

leserbriafalschreiber
die dem boulevard einekräuln
blasse onkl-marionettn
aus m dunskreis von st. pölten

hirnvabrennte sinnlos-schwätzer
primitive leitaufhetza
plumpe chauvinistn-klache
und sogar da h c strache

supastar supastar
werst a als politika
schleima hetzn blablabla
scho bist supastar

superstar superstar
jeder werd heit supastar
prominente werdn hiatz a
oft zum supastar

laft die karriere mäßig
und s finanzamt is gefräßig
is de meistn wurscht was treibn
nur damit s am bildschirm bleibn

promi dinner seitenblicke
adabei TV gezicke
und bist dann scho fast vagessn
muast in dschungl käfer fressn

supastar supastar
jeder werd heit supastar
würdelos und voll ga ga
a-ba supastar

supastar supastar
jeder werd heit supastar
mei des is ja gar nid schwa
mir wern des hiatz a - ja !!!